Rreth 150 mijë euro do t’i kushtoj Qendrës Klinike Universitare të Kosovës blerja e pelenave.

Pelenat për një përdorim që do të shfrytëzohen nga fëmijët dhe të rriturit pritet të kushtojnë saktësisht 138 mijë e 240 euro. Kështu bëhet e ditur në njoftimin për kontratë të bërë publik nga Komisioni Rregullativ i Prokurimit Publik, shkruan arbresh.info.

“Furnizim me Pelena për një përdorim për fëmijë dhe të rritur. Vlera e parashikuar e kontratës ësht138 240,00”, thuhet në njoftim.

Kohëzgjatja e kontratës publike kornizë është 24 muaj.

Në të njëjtin njoftim janë cekur edhe kushtet e pjesëmarrjes.

Ndër të tjera aty thuhet se ‘Operatori Ekonomik duhet të përmbushë kërkesat e specifikuara në nenin 65 të Ligjit të Prokurimit Publik (LPP)’ dhe ‘Certifikatë e regjistrimit të biznesit ,regjistrimi si operator ekonomik në regjistrin profesional, komercial dhe ose të korporatës në vendin e juaj të themelimi’.

Lloji i procedurës është i hapur, ndërsa një ndër kriteret për dhëni të kontratës është ofrimi i çmimit më të ulët.

Afati i fundit për pranim të tenderëve / aplikacioneve është data 30.07.2020, e po atë ditë do të bëhet edhe hapja e tenderëve nga ora 12:00 në objektin e ri të Administratës Qendrore./arbresh.info/